Extract from ContExploration.net

 

extract document nr

8045

local link

http://contexploration.net/extracts/8045.htm

remote link

http://sv.no/partiet/landsmotet/nyheter/uttalelser/dbaFile77416.html

http://www.sv.no/partiet/landsmotet/tidl_lm/lm2005/nyheter/uttalelser/dbaFile77416.html

 

title

For eit fritt og demokratisk Irak

date published

2005-04-02

author

Sosialistisk Venstreparti landsmøte I Kristiansand 2005

source

Uttalelse vedtatt av SVs landsmøte 2005

further reading from author

 

 

 

Teksten fra resolusjonen nedenfor er sakset fra SVs nettsider

Original lenke til resolusjonen, april 2005:

http://sv.no/partiet/landsmotet/nyheter/uttalelser/dbaFile77416.html

OBS, 2006: Den originale lenken er nå fjernet.

Ny lenke til resolusjonen, 2006:

http://www.sv.no/partiet/landsmotet/tidl_lm/lm2005/nyheter/uttalelser/dbaFile77416.html

OBS, 2007: Den nye lenken er nå også fjernet.

 

--

Original lenke: http://sv.no/partiet/landsmotet/nyheter/uttalelser/dbaFile77416.html

Slik lød resolusjonen, vedtatt ved landsmøtet i 2005:

--

For eit fritt og demokratisk Irak

Uttalelse vedtatt av SVs landsmøte

 

SV støttar ønsket frå det store fleirtalet i Irak om ei snarleg tilbaketrekking av okkupasjonsstyrkane frå landet. Så lenge okkupasjonen varer ved, vil vald, utryggleik og materiell naud vil vera kvardagen i Irak, og det vil ikkje vera håp om ei fredeleg og demokratisk utvikling. Den amerikanskleia okkupasjonen styrkar dei ekstreme kreftene i landet, og gjer kvinner sin situasjon endå vanskelegare.

I strid med internasjonal rett har okkupasjonsstyret endra dei økonomiske lovene og underlagt Irak eit marknadsliberalistisk regime til fordel for vestlege storselskap. Irakiske naturressursar og statsbedrifter er lagt ut på billegsal til utanlandske konsern, og næringslivet blir gjort avhengig av storselskapas patentar, reservedelar og kompetanse. SV krev at alle kontraktar inngått under okkupasjonen kan annullerast i eit framtidig fritt og uavhengig Irak, utan at selskapa har krav på kompensasjon.

Valet i januar 2005 kan ikkje reknast som fritt og rettferdig. Store grupper i det irakiske samfunnet vart hindra i å røysta på parti og lister som målber standpunkta deira, då lister som uttrykte støtte til motstandskampen ikkje fekk stilla til val. Tusenvis av politisk opposisjonelle har blitt arrestert eller har forsvunne. Okkupasjonsregimet har gjennomført ein massiv kampanje mot den frie pressa, med arrestasjon av kritiske journalistar, utestenging av Al Jazeera og stenging av kritiske aviser.

Under desse forholda valde likevel mange irakarar å gå til valurnene 30. januar, med håp om at det var mogleg å røysta fram ei demokratisk utvikling og ein slutt på okkupasjonen. Den sameinte irakiske alliansen, som fekk eit knapt fleirtal i den lovgivande forsamlinga, gjekk til val på eit program som har amerikansk tilbaketrekking som eit viktig punkt. Etter at så mange har røysta for at okkupasjonsstyrkane skal trekkast ut, samtidig som mange andre boikotta valet i protest mot okkupasjonen, må okkupantmakta velja mellom å lytta til det irakiske folket sitt ønske eller å stå ansvarleg for eit framhald av vald og kaos i landet.

SV anerkjenner det irakiske folket sin rett til å forsvara seg mot okkupasjonsmakta. Motstand mot okkupanten er ikkje illegalt i følgje Folkeretten. Like sjølvsagt må terroråtak på openbare sivile mål, uavhengig av kven som utfører dei, fordømmast på det sterkaste. Så langt har okkupasjonsmakta ansvaret for langt dei fleste sivile tapa i Irak. Over 100 000 sivile irakarar er hittil drepne som konsekvens av invasjonen og okkupasjonen.

Startpunktet for ein prosess fram mot fridom og demokrati for det irakiske folket må vera at USA gir opp målet om geopolitisk og økonomisk kontroll over Irak, og set i gang ei snarleg tilbaketrekking av okkupasjonsstyrkane. I ein overgangsfase bør FN stilla med fredsbevarande styrkar, dersom dette er eit ønske frå dei sentrale grupperingane i Irak. SV krev at dei landa som har deltatt i okkupasjonen må betala krigsskadeerstatning og ta det økonomiske hovudansvaret for gjenoppbygginga når okkupasjonen er avslutta.

Okkupasjonen av Irak er eit globalt spørsmål. Utviklinga i landet vil ha konsekvensar for kva veg verdas mektigaste militærmakt tar vidare. Ein vellykka okkupasjon sett med den amerikanske administrasjonens auge vil vera ei oppmuntring til å verkeleggjera planar om nye åtakskrigar. Men så lenge dei amerikanske troppane og deira allierte ikkje har kontroll over Irak, eller dei går på eit nederlag, vil slike planar vera vanskelege å gjennomføra.

Invasjonen av Irak er det hittil tydelegaste dømet på Bush-administrasjonen sin forakt for FN-pakta og andre internasjonale rettsreglar, slik det også kjem til uttrykk i Bush-doktrina om forkjøpskrig. Krigen mot Irak kan bli starten på ei verdsordning der den sterkaste sin rett skal gjelda. Men det kan også bli eit vendepunkt der fredeleg handtering av konfliktar og respekt for internasjonale rettsreglar blir regelen.

I denne situasjonen er også Noreg si rolle avgjerande. SV arbeider for at Noreg skal trekka tilbake all støtte til okkupasjonsstyret. Det inneber tilbaketrekking av alle norske soldatar frå Irak, avslutting av trening av irakiske soldatar på NATO-basen i Stavanger, og stopp av våpeneksport og andre militære bidrag.

Slik støtte bidrar bare til å forsterka USA sitt håp om kontroll over Irak, og til å forlenga krigs- og okkupasjonstilstanden. Også humanitær og økonomisk hjelp må derfor i den noverande situasjonen utelukkande kanaliserast gjennom uavhengige hjelpeorganisasjonar. I det okkupasjonsstyrkane trekkjer seg ut og ei demokratisk valt regjering er på plass, må Noreg hjelpa til med gjenoppbygginga av landet.

Publisert: 02.04.2005.

--

 

 

Return to ContExploration.net